Lima Ka Putahe Gikan Sa Laing Nasud Nga Na Impluwensyahan Sa Pilipino

Adunay daghang klase-klaseng pagkaon dinhi sa Pilipinas nga lami ug masustansya nga gikan sa lain-laing nasud.

 (Photo by: Serious Eats)

Kaniadto pa, paborito na kini sa kadaghanan sa mga Pilipino, ginapangita ug ginabalik balikan ug ang ubang mga putahe kay adunay kaugalingo ng bersyon kung unsaon pagluto niini.

Ug mao kini ang lima ka putahe nga gi adap sa mga Pilipino:

1. PIZZA

(Photo by: experiencias LG)

Origin: Italy (Italian)

Para sa mga Pinoy, lami nga snack ang pizza. kadaghanan sa mga pilipino ganahan ani nga pagkaon, bisag medyo mahal na sila mupalit gihapon sa mga restaurant. Kini usa ka lingin ug sa ibabaw adunay lain-laing mga klase sa sangkap sama sa pinya, ham, ug keso. Ang uban adunay ilang kaugalingon nga bersyon sa pagbuhat niini.

2. LUMPIA SHANGHAI

(Photo by: Yummy.ph)

Origin: China (Chinese)

Kugihan ang kadaghanan natong mga Pinoy sa pag-andam sa okasyon ug dili mawala sa kan-anan ang lumpia o ang fried spring rolls. Dili kompleto ang kapistahan kung walay lumpia sa lamesa kay mao kini ang ginapangita sa mga pinoy.

3. SPAGHETTI

(Photo by: kfoods.com)

Origin: Italy (Italian)

Dili magpa ulahi ang spaghetti nga paborito sa mga batang pilipino, birthday man o fiesta, dili gyud mawala ang spaghetti sa celebrasyon kay tungod kini lami kaayo. Paborito nako ang tam-is tam-is nga beryon sa pag luto ug daghan pang pamaagi sa pag luto niini.

4. CHICKEN CURRY 

(Photo by: Kawaling Pinoy website)

Origin: India (Indian)

Ang chicken curry maoy usa sa paborito nga putahe sa mga Pinoy tungod sa halang nga lami niini, apan kini naay pagka dilaw ang kulay kay tungod sa curry powder nga isahog niining putahe maong gitawag ug "Chicken Curry".

5. PANCIT

(Photo by: Guide to The Philippines)

Origin: China (Chinese)

Kadaghanan sa mga pilipino nagtuo nga ang pancit giingon nga makapalugway sa kinabuhi, usa ka ba sa mga nagtuo?

Ang pancit lamian kaayo nga putahe sa mga pinoy, ug naay lain-laing klase sa pancit sama sa: pancit bihon ug canton naa pud pancit miki pero pare-pareho rang lami ang tanan.

Ikaw? unsa man ang imong gusto sulayan sa lima?

Daghan pa ug lain laing pagkaon sa Pinas, ug maka ingon ko nga tanan lami basta gikan sa kasing-kasing angb pag luto niini.